人（ひと）の呼（よ）び方（かた） Paraan ng pagtawag
Sa loob ng pamilya, tinatawag ng lahat ang isa’t isa ayon sa paraan ng pagtawag ng pinakabata. Tinatawag ng mga magulang ang anak na lalaki at babae na おにいちゃん (kuya) at おねえちゃん (ate). Ibig sabihin, inilalagay ng mga magulang ang sarili nila sa posisyon ng bunsong kapatid kapag tumatawag.
Bukod dito, sa harap ng mga anak, tinatawag ng asawang lalaki ang asawang babae na おかあさん (ina) o ママ (mama), at tinatawag naman ng asawang babae ang asawang lalaki na おとうさん (ama) o パパ (papa). Gayunpaman, pabawas na nang pabawas ang ganitong paraan ng pagtawag. Sa ngayon, mas laganap na ang pagtawag gamit ang pangalan.
Sa kompanya, tinatawag ang isa’t isa ayon sa katungkulan. Halimbawa, tinatawag ng nakabababang kawani ang nakatataas gamit ang katungkulan nito. Tinatawag ng mga empleyado sa pagbebenta ang mga kustomer na おきゃくさま (kagalang-galang na kustomer, ginoo, ginang). Ang doktor ay tinatawag ng mga pasyente na せんせい (sensei).
